Servicios

CORREDORES > SANTIAGO

ENQUISA PARA ORGANIZAR O REPARTO

Estamos a piques de rematar o proceso para constituirnos como grupo de consumo, e precisamos dalgúns datos máis antes da próxima xuntanza para empezar a funcionar.

É conveniente que te comprometas por un tempo para que @s productor@s poidan planificar a súa produción, e nós poidamos organizar mellor o servizo.

Outro aspecto que melloraría o noso impacto positivo:

Queremos crear un amplo recetario cos produtos de cada temporada e convidámoste a enviar as túas receitas para compartir na web; selecciona as que xa coñeces e que sexan do teu gusto, de xeito que dispoñamos tamén na cociña de múltiples maneiras de preparar os alimentos para que nos poidamos enriquecer coas achegas do grupo.

Queremos xerar “Residuos cero”:

Convidámoste a que traias a túa propia bolsa de tea e caixas de ovos. Máis adiante poderemos fabricar as nosas propias cestas de lona.
No mesmo punto onde recolles a “Cesta verde” poderás deixar os residuos orgánicos xerados pola túa compra; dese xeito pechamos o ciclo, xa que @s productor@s os van convertir en compost para nutrir as seguintes colleitas.
Cando empecemos a funcionar poderemos organizarnos para facer pedidos conxuntos de aceite e outros produtos que non sexan de cercanía.

En pouco tempo convidarémoste a un encontro presencial no que poderemos coñecernos e matizar pequenos detalles, organizar a coordinación do grupo e comentar todo o que precisemos de xeito que nos poidamos poñer en marcha no menor tempo posible.

Se recibes esta carta é porque formas parte do proxecto de Corredores Verdes. En canto a respondas e confirmes a túa participación, vas a recibir unha clave de acceso que che vai permitir entrar na web , facer os pedidos, deixar as túas receitas, achegar ideas … e tamén recibir información das accións e actividades que vaiamos incorporando.

Grazas por participar, grazas por sumar neste proxecto de Vida Saudable e coidado das Persoas e do Planeta.